Зөөлөн зүрх

Нэгэн эр голын эрэг дээгүүр алхаж яваад нэгэн бяцхан хүү голын эрэг дагуу хаягдсан олон мянган загаснаас гол руу шидэж байхыг харжээ. Тэгээд очоод „Чи юу хийж байгаа юм бэ?“ гэж асууж харин нөгөө хүү „Би загаснуудыг аварч байна“ гэжээ. „Чи энэ хэдэн зуун мянган загасыг буцааж гол руу нь хийж чадахгүй шүү дээ“ гэхэд хариуд нь нөгөө хүү нэг засаг шидээд „гэхдээ л би сая энэ загасыг аварчихлаа шүү дээ “ гэжээ. Энэ бол түүний ямар гавьяа байгуулсныг хэн ч мэдэхгүй олон нэргүй баатруудын нэг жишээ юм. Нэргүй баатар гэдэг нь ямарч алдан хүнд, мөнгө хөрөнгө чамд авч ирэхгүй боловч та гагцхүү ухамсраараа үйлдэж буй тэр нийгэмд тустай сайн сайхан үйлдэл юм. Усанд орохдоо усаа хайрлаж бага гоожуулдаг. Хэрэгггүй тог цахилгаанаа унтраадаг. Гудамжинд янз бүрийн хог хаягдал хаядаггүй, татсан тамхи, зажилсан бохио зохиулалтын саванд хийдэг байхгүй байсанч энд тэнд хаяж дадаагүй, явган хүний замаар ногоон гэрлээр гарч сурсан, өөрөө соёлжилт хотжилтонд өчүүхэн ч гэсэн хувь нэмэр болж байгаагаа ухамсарладаг. Би яг энэ бүхнийг ягштал биелүүлдэг өөрөө нэргүй баатар шиг хүн биш л дээ. Гэхдээ л хүүхдэдээ энэ бүхнийг зааж, ядаж л хүүхдийнхээ хажууд зам хөндлөн гарахдаа ногоон гэрэл цагаан шугамаар гарахыг хичээдэг юм. Би нэргүй баатар болдоггүй юм аа гэхэд үр хүүхдүүд минь наад захын хотын соёл эзэмшээсэй гэж хүсэж байна даа. Нэргүй баатрууд л энэ эх оронг минь авч явна гэдэгт би итгэдэг. Монголд минь нэргүй баатрууд олон байгаасай.