Ертөнцөд ганцхан ш дээ. Ууртай ааштай, тайван дөлгөөн ухаалаг, амархан гомдомтгой, тоглоом даадаг, хүнээр тоглодог, тоглуулдаг, хошин , инээмтгий, марзан, пивочин, гэх зэргээр есөн шид нь бүрдсэн хүн дээ. Бас хаяа их ганцаарддаг. Этгээд юманд дурладаг, маш муу эсвэл их сайн хүн. Ийм араншингаар нийгэмд сайн муу үлгэр дуурайл үзүүлж өөрийнхөө багахан орон зайг бий болгон амьдрах сайхаан.

Нэмэлт тайлбар:

Энэ бол миний 28 жил үзэж туулсан амьдралийн үзэл, бас цаашдын хүсэл мөрөөдөл, зарим нэгэн нууцлаг амьдрал, миний араншингийн тусгал болохоор бусдаас зөвлөмж авалгүй юу бодож байгаа тэр бүхнээ бичиж байгаа болохоор танд 100 хувь таалагдана гэдэгт итгэлгүй байна. Иймээс буруу зөрүү зүйл их байвал хүлцэл өчье.

Сараана нэрний учир:

Сараана. Энэ бол миний хамгийн дуртай лили цэцгийн нэр. Энгийн үзэсгэлэнтэй эмзэг, цаанаа л нэг дур булаам. Үнэр нь ямар гоё гээч. Хэдийгээр үүнээс илуу тод гоёмсог цэцэгүүд олон боловч энэ цэцэг цаанаа л нэг намайг татаад өөртөө дурлуулаад байх юм. Надад энэ цэцгийг хүн бэлэглээсэй гэж их мөрөөддөг юм. Мэдээж нөхөртөө шууд хэлээд авхуулж болно доо. Гэвч ингэх нь тийм ч сонин биш. Намайг энэ цэцгэнд дуртайг минь мэдээд намайг огт бодоогуй байхад бэлэглээсэй. Хүн нээрээ л сонин амьтан шүү. Өөрийгөө бодоод байдаг. Магадгүй надаас бас битүүхэн харж байдаг хэлдэггүй мөрөөддөг зүйл нөхөрт минь байдаг л байх даа. Хүн эр нь романтик зүйлд их дуртай юм аа.